Seren-sumeren Camat Babakan Ciparay Ti Drs. Momon Ka H. Suparjo, S.Sos

0
198

Bandung, Bewarajabar.com — Lobana 483 (Opat Ratus Dalapan Puluh Tilu) urang Pejabat dina Jabatan Pimpinan Tinggi Pratama, Jabatan Administrator & Jabatan Pengawas di lingkungan Pamarentah Kota Bandung anu Di-istrenan dina ping 31 Maret 2021, salah sahiji na jabatan anu diistrenan, nyaeta, Camat Babakan Ciparay.

Camat Babakan Ciparay nu saacan na dijabat ku Drs. Momon Ahmad Imron Sutisna, M.M., diganti ku H. Suparjo, S.Sos., nu saacan na ngajabat salaku Sekretaris Camat di Kecamatan Astana Anyar, sarta Drs. Momon Ahmad Imron Sutisna, M.M., nu ngajabat salaku Camat Babakan Ciparay salila 4 Taun 4 Bulan, saterusna nyangking tugas jabatan salaku Ka. Bag. Kesejahteraan Rakyat di Sekretariat Daerah Pamarentah Kota Bandung.

Diistrenan na Drs. Momon Ahmad Imron Sutisna, M.M., & H. Suparjo, S.Sos., dumasar Surat Kaputusan Nomer: 821.2/ KEP.298-BKPP/ 2020, ngeunaan Pemberhentian & Pengangkatan Pegawai Negeri Sipil dari dan dalam Jabatan Pimpinan Tinggi Pratama, Jabatan Administrator dan Jabatan Pengawas di Lingkungan Pemerintah Kota Bandung, anu dilaksanakeun ping 31 Maret 2021, di Plaza Balai Kota Pemerintah Kota Bandung, Jln. Wastukencana No. 2 Bandung.

Acara Seren-sumeren Camat Babakan Ciparay anu lumangsung di Aula Kantor Kec. Babakan Ciparay, Jln. Babakan Ciparay No. 212 Bandung, (Salasa, 6/4), diluuhan Kepala Bidang Mutasi & Promosi BKPSDM (Badan Kepegawaian & Pengembangan Sumber Daya Manusia) Kota Bandung, Ringgas Hajopan Pane, S.STP, sarta Lurah sa-Kecamatan Babakan Ciparay, nyaeta, Ridwan Hermansah, S.Sos. (Lurah Babakan), Achmad Roni, S.Ip. (Lurah Sukahaji), Tonny Sukmana, SE. (Lurah Babakan Ciparay), Agus Susanto, S.Pt., M.M. ( Lurah Margahayu Utara), Rudisman M. Yusuf, S.Sos., M.Si. (Lurah Margasuka), Iwan Rijwan, SE. (Lurah Cirangrang), jrrd.

Dina biantara unjuk pamit pipisahan sacara kadinasan, Drs. Momon, netelakeun, Dina waktu mingpin sarta nyangking tugas salaku Camat Babakan Ciparay salila leuwih kurang 4 Taun, bisa ngalaksanakeun parubahan anu henteu lesot tina gawe bareng jeung sakabeh Masarakat, sarta pihak sejen na anu ngilu ngarojong, sangkan kawujud nyata ayana parubahan di Kec. Babakan Ciparay, turta saterusna ngarasa yakin bakal leuwih alus sarta hade ku Camat nu anyar dina mingpin sarta ngawangun kawilayahan di Kec. Babakan Ciparay.

Sedengkeun ceuk Pejabat Camat Babakan Ciparay nu anyar, H. Suparjo, nepikeun, Bakal nuluykeun sarta mertahankeun prestasi anu kungsi dipeto ku Kec. Babakan Ciparay, samalah bakal leuwih ngaronjatkeun prestasi dina ngawujudkeun program Pamarentah Kota Bandung di Kec. Babakan Ciparay. (Adar)

LEAVE A REPLY

Please enter your comment!
Please enter your name here